الأحد، ٢٦ نوفمبر ٢٠٠٦

حلقة اليوم من القاهرة اليوم مع عمرو أديب وعزت ابو عوف
تم افتتاح الحلقة بتقرير عن حادث العبارة السلام 98 وما حدث فيها , حيث تم التعليق على الشخص الذى يتصل بة اهلة على تليفونة المحمول ويتعرفوا على صوتة اول ما يفتح الخط معاهم, ويحاولوا يعرفوا منة هوة فين وعايش فين, ويسمعوا صوتة بس ما بيتكلمش, جابوا تقرير عن اهلة وانهم سمعوا صوتة وانة حى وناجى مش غرقان, ودايما يجيلهم تليفونات من رقمة بس ما حدش بيتكلم من الناحية التانية, وقام فريق عمل البرنامج بتجربة الاتصال بة ولكن كان الهاتف غير متاح ودة مش معناه انهم مايحاولوش يجربوا تانى, وأختتم التقرير لذلك.
اما طبعا عمرو قعد يتريق لما شاف تقرير المحامى مرتضى منصور ورئيس نادى الزمالك الاسبق, ويقول انة الراجل دة اد اية عندة اصرار وعزيمة على انة يرجع تانى نادى الزمالك, هوة نادى الزمالك ناقص, وقال ضربوا الزملكاوى على عينة قال خسرانة خسرانة, ربنا يقوى الزمالك يارب وينصرة على مين يعادية هاى هئ.
النهاردة الدكتورة شريفة ابو الفتوح بتتكلم عن مرض الانفلونزا خاصة انفلونزا الاطفال, مع عزت ابو عوف.

مكتبة القاهرة اليوم ( فقرة جديدة فى القاهرة اليوم ) تنال اعجابكم
*********************************************
اما الموضوع الاهم فى حلقة اليوم.... وهو عن العلاقة بين الرجل والمرأه , وكيف تكسب المرأه قلب الرجل؟
تحدث عمرو أديب فى اول الحلقة عن كتاب جديد بالاسواق ويحقق مبيعات ضخمة فى اوروبا لكاتبة شيرى جروف
Sherry Argov واللتى قامت بتأليف هذا الكتاب والذى يدعى " لماذا يحب الرجال الزواج من المرأه اللعوب؟
وهوة كتاب ليس جنسى ولكنة كتاب يتحدث عن كيفية جعل زوجك يعمل الحاجة اللى انتى عايزة تخلية يعملها بسهولة ويسر ودون الدخول فى مهاترات وخزعبلات, وبيتكلم ايضا عن ان الست لا تنكد على الرجال, من ضمن النصائح برضة, وانها مش بتخلى الراجل بيزهق منها, بل هى متجددة, وتعطى للرجل مفاجأت عديدة كل يوم لم يكتشفها فيها قبل ذلك,
حيث ان صفات المرأه اللعوب عند الغرب غير المرأه اللعوب عن الشرق, حيث يصفوا الغرب المراه اللعوب هى اللتى تستطيع ان تكسب قلب الرجل من غير خناق وزعيق وشخط وخبط وكدة, ومن ضمن نصائحها فى الكتاب ان المراه المستسلمة او المراه الهادئة الرقيقة الطيبة لا مكان لها فى الحياه الزوجية وممكن الراجل يتجوز عليها عشان هية كدة.

ليست هناك تعليقات: