نداء عاجل وجهه الاعلامي الكبير / عمرو أديب والصحفى / خيرى رمضان فى حلقة اليوم بتاريخ 2/9/2007 الى مسئولى الدولة.
الاسعار بتزيد وبتزيد وماحدش بيعمل حاجة... وكل يوم يكتبوا فى الجرائد الرسمية ان الاسعار ستنخفض وان السلع ستتوافر بكميات كبيرة: وطبعا مافيش حاجة فى مصر بتزيد وترجع تنقص تانى ... مافيش اسعار نقصت خالص فى مصر: اللى بيزيد لا ينقص... فلا يتوقع اى أحد ان الاسعار ستنخفض. بل ان الاسعار فى ازدياد مستمر.... لا زيادة فى الدخول ( الدخل الفردى)... المدرس فى المدرسة النموذجية بيقبض 120 جنية فى الشهر... دة يفتح بيت ازاى... ويفطر بس فى اليوم بكام؟ ويتغدى بكام؟
جهد الاعلامى عمرو أديب فى تنبية المسئولين عن ما يحدث للمواطنين من عذاب يومى فى ايجاد لقمة العيش.
وملاحظة قام بطرحها الاعلامى عمرو أديب ان السلعه الوحيدة فى مصر اللى قلت الفترة دى هى "الحشيش"
وقد زادت هذة الاسعار قبل دخول رمضان والمادارس باسبوع , ولهذا قام الاعلامى عمرو اديب باقتراح قد يكون عجيب لدى البعض وقد يكون مقنع للبعض, بان يتم تأجيل دخول المدارس بعد رمضان حتى لا تبقى الضربة ضربتن.
استقبل العديد من الاتصالات من العديد من المشاهدين ,ومعظم المكالمات تتذمر من ارتفاع الاسعار. كان الله فى عون الجميع وربنا يقدر الجميع على التحمل.
